الدين عند الله الإسلام، مفتاح قبول الأعمال - تعلم دينك

سر تسمية الحواوشى بهذا الاسم

الحواوشي هي وجبة شعبية في مصر تم اختراعها في عام 1971 على يد جزار مصري اسمه محمد الحواوش. يتكون الحواوشي من رغيف خبز محشو بلحم مفروم وخلطة من البصل والتوابل. انتشرت هذه الوجبة في جميع أنحاء مصر وأصبحت مفضلة لدى العديد من المصريين والسائحين العرب والأجانب. تتغير أسعار الحواوشي بناءً على المطعم والمنطقة، تتراوح بين 10 و30 جنيها للرغيف الواحد.

السلام عليكم..ازيكم يابناويت عاملين ايه ياحبايبي النهاردة بالصلاة على النبي هنعمل حواوشي أكلة سهلة جداً وبسيطة يلا بينا نبدأ بسم الله.

مقادير الحواوشي

كيلو لحم مفروم

٨٠٠ جرام بصل

٥٠٠ جرام فلفل

ملح

فلفل اسود

٤ ملاعق كبيره بصل بودر

٤ ملاعق كبيره ثوم بودر

٤ ملاعق كبيره بابريكا

للعجين

كيلو دقيق أو ٧ اكواب معياريه

ملعقتين كبار سكر

٤ ملاعق كبيره خميره

ملعقتين صغيره ملح

كوبين حليب دافي

كوبين ماء دافي

كوب زيت

شاهد الفيديو 

خطوات عمل الحواوشي

في وعاء خشبي، نضع كيلو اللحمة المفرومة، واللحم يكون فيه نسبة ٢٥ لـ ٣٠ % دهن، نضيف البصل المفروم ناعم، ونضيف الفلفل الأخضر المفروم ناعم، ملح حسب الرغبة، وفلفل أسود تقريباً ملعقتين صغيرتين، أربع ملاعق كبيرة من كل من البصل البودر والثوم البودر والبابريكا.

نقلب كل المكونات مع بعضها ونعجنها كويس لمدة دقيقتين، وبعدين ننقلها في طبق تاني، ونغطيها وندخلها الثلاجة لحد ما نجهز العجينة.

لتحضير العجين، في وعاء خشبي نضع كيلو من الدقيق، نعمل حفرة في منتصف الدقيق، ونضع فيها ملعقتين كبار من السكر، أربع ملاعق كبيرة من الخميرة، ملعقتين صغيرتين من الملح، ونقلب المكونات الجافة دي مع بعضها.

نضيف كوبين حليب دافي، ونقلب تقليبة خفيفة، وبعدين نضيف الماء الدافي بالتدريج ونعجن، لمدة خمس دقايق لحد ما نحصل على عجينة مطاطية.

نضيف كوب زيت، ونلم العجينة بالزيت، لحد ما تكون مش بتلزق في الأيد، وبعدين نغطيها بكيس، ونخليها ترتاح لمدة 20 دقيقة تقريباً في مكان دافي لحد ما يتضاعف حجمها.

نحضر العجينة، ونخرج الهوا منها، ونغطيها تاني بالكيس، ونأخد منها وهى متغطية.

في طاسة صغيرة مقاس 15 مدهونة بالقليل من الزيت، نضع العجينة في الطاسة ونفردها، نحط فيها كمية لحمة ونقفلها ونبططها، بس نخلى بالنا عشان متفتحش.

نرفع الطاسة على نار هادية ونغطيها لمدة 7 دقائق، وبعدين نقلبها على الجانب الأخر وندهنها بشوية زيت، ونتركها 7 دقائق أخرى.

لو حابين تسوا الحواوشي في الفرن، نحضر صينية ونفرد فيها ورق زبدة، ونحط أرغفة الحواوشي، وندخلها الفرن على درجة حرارة 220 لحد ما ياخدو لون من تحت ونقلبهم.

لتحضير الحواوشي بالعيش، نحضر رغيف العيش البلدي، نضع فيه كمية من اللحمة، ونسويها في الطاسة، أو نغلفه بورق زبدة وندخله الفرن.

بالهنا والشفا

إن شاء الله تعجبكم، متنسوش دعواتكم لي، والصلاة والسلام على رسول الله صل الله عليه وسلم .

 

تعديل المقال