الدين عند الله الإسلام، مفتاح قبول الأعمال - تعلم دينك

القراقيش (المنين) 

القراقيش (مفردها:قرقوشة) هي نوع من الحلويات التي تُحَضَّر غالباً في المطبخ الفلسطيني، والمطبخ المصري، تُحَضَّر من الطحين، اليانسون الحب، السمسم، الخميرة، بيكاربونات الصودا والزيت أو الزبدة، وفي مصر تحشى بالتمر ، تحتوي كل حصة (150 جرام تقريباً) على 300 سعرة حرارية و 18 جرام من الدهون معظمها دهون غير مشبعة والتي تحتوي على منافع صحية عديدة على صعيد التهاب المفاصل، الربو، مرض كرون وغيره من الأمراض والمشاكل الصحية.

السلام عليكم عاملين ايه نصلي علي النبي المختار هنعمل النهاردة إن شاء الله القراقيش مع الشاى في الفطار بتكون حكاية ، والقراميش او المنين وصفة من الوصفات المصرية العتيقة خصوصا فى الأعياد ومناسبة للفطار مع الشاى بلبن، هنعمل قراقيش مقرمشة من بره وهشه من جوه وخصوصا القراقيش بالشمر والينسون طعمها لذيذ جداً يلا بينا نبدا بسم الله.

مقادير القراقيش للشاى

- كيلو دقيق او ٧ اكواب

- معلقة ملح صغيرة

- ٤ معالق كبيره سمسم محمص ٤٠ جرام

- ٣ معالق كبيره نشا ٣٠ جرام

- معلقه ونص كبيره خميره ١٥ جرام

- ٣ معالق كبيره سكر بودره ٣٠ جرام

- معلقه صغيره بيكنج بودر

- معلقه كبيره شمر ٤ جرام

- معلقه كبيره ينسون٤ جرام

- كوب وثلث سمنه سايحه٣٠٠ جرام

- كوب زيت ٢٠٠ جرام

- كوب ونصف ماء دافي.

شاهد الفيديو

خطوات عمل القراقيش للشاى

1-هننخل الدقيق وبعدين نضيف باقى المكونات الجافة ونقلب المكونات الجافة كلها علي بعضها

2-نضيف المواد الدهنيه السمن والزيت ونقلبها كويس

3-اهم خطوه وهي البث لمده من عشرة الى 15 دقيقة الى ان تتحول لعجينة

4-نضيف كوباية ونص من الميه الدافئه بالتدريح ونعجنها لحد ما تبقى طرية ومش بتشقق

5-نغطيها ونسيبها ترتاح لمدة 10 دقايق

6-نقطع العجينه قطع ونلفها علي شكل اسطوانة ونفردها ونقطعها بالسكينه بالشكل المفضل للقراميش

7-نرصهم على الصينية ونسيبهم يخمروا فى مكان دافئ ممكن فى فرن دافى

8-بعد ما تخمر ندخلها الفرن على درجة حرارة 180 لمدة نص ساعة تاخد لون فوق وتحت خطوه مهمه جدا جدا جدا لو عندكم عجان استخدمو الكف وبسوها خمس دقايق في العجان.

9-نضيف الميه الدافيه بالتدريج لحد مالعجينه تطري وماتكونش بتشقق خالص.

10نغطي العجينه طول ماحنا شغالين علشان ماتنشفش ولو جمدت من البرد بندفيها بايدينا قبل التشكيل حجم القراقيش وسمكها حسب رغبتكم وذوقكم ممكن تقللو الشمر والينسون لو حابين وممكن تضيفو كمان ربع معلقه صغيره ريحه كحك لو بتحبوها.

ملاحظة هامة

- مجموع ال ماده دهنيه (زيت وسمنة ) نصف كيلو (٥٠٠ جرام) لو حابينها دايبه اوي خلو الكميه كلها سمنه ولو حبينها ناشفه ومقرمشه زياده خلوها كلها زيت انا عادلت بينهم خليت السمنه اكثر علشان تكون دايبه شويه.

- لو الجو برد والسمنه جمدت في العجينه وانتو شغالين دفوها بايديكم قبل ماتشكلوها كده هاتطري تاني بحراره ايديكم.

بالهنا والشفا

يارب تكون الوصفة عجبتكم اللهم صل وسلم وبارك على سيدنا محمد وعلى آله وصحبه أجمعين.

تعديل المقال