الدين عند الله الإسلام، مفتاح قبول الأعمال - تعلم دينك

فوائد اكل السمك

تناول السمك بانتظام يمكن أن يساعد في خفض ضغط الدم والتخفيف من خطر الإصابة بالسكتة الدماغية، بالإضافة إلى خفض مستويات الدهون الثلاثية، لاحتوائه على أحماض أوميجا 3 غير المشبعة ونسبة غيرمرتفعة من الدهون المشبعة، مع القليل من الدهون الثلاثية.

السلام عليكم حبيباتي الغاليات عاملين إيه يارب تكونوا بخير الناردة هنعمل أكلة كلنا بنحبها هنعمل سمك ،وكلنا عارفين فوائد السمك وقد إيه السمك بيقي من أمراض القلب والشرايين، والنوبات القلبية، وعدم انتظام نبضات القلب، والسكتات الدماغية وغيرها كتير ربنا يعافينا ويشفي كل مريض ،علشان مطولش عليكم هنعمل سمك مشوي بالشمر في الفرن وكمان وأرز بالشمر بطريقة سهلة جدا يلا نبدأ بسم الله.

 

سمك مشوي بالشمر

المكونات

- 2 سمك بلطي حسب عدد أفراد الأسرة.

- ملح حسب الرغبة.

- زيت زيتون.

- 5 فص ثوم مهروس.

- 1.5 ملعقة صغيرة فلفل أسود.

- 1.5 ملعقة صغيرة كمون.

- 1.5 ملعقة صغيرة كسبرة.

- 2 ملعقة صغيرة شمر.

- ملعقة كبيرة عصير ليمون.

الخطوات

- الخطوة 1 اغسلي السمك جيداً واتركيه 1/4 ساعة في الماء المالح بالخل والليمون وبعدين اشطفيه كويس جداً وبعد كده اعملي فتحات بالسكين في جسم السمكة.

- الخطوة 2 اخلطي كل المكونات مع بعضها

- الخطوة 3 ادهني السمك بالخليط من جوة و من برة.

- الخطوة 4 رشي عليها رشة شمر بسيطة.

- الخطوة 5 رصي السمك في صينية مدهونة زيت زيتون.

- الخطوة 6 حطيها في الفرن 25: 30 دقيقة.. و بالهنا والشفا.   

 

شاهد الفيديو 

  أرز السمك بالشمر    

    المكوّنات

- كوب و ربع أرز مصري.

- ملح.

- ملعقة صغيرة فلفل أسود.

- ملعقة صغيرة كمون.

- ملعقة صغيرة بهارات.

- 3 قرنفل مسمار.

- ½ ملعقة صغيرة قرفة.

- ملعقة صغيرة شمر.

- بصلة متوسطة.

- 3 فص ثوم مهروس.

- كوب وربع ماء.

الخطوات

- الخطوة 1 شوحي البصل في الزيت لحد ما ياخد اللون الدهبي.

- الخطوة 2 ضيفي الثوم و التوابل و قلبيهم في بعض كويس متنسيش رشة الشمر هتخليه في حتة تانية .

- الخطوة 3 ضيفي الأرز و المية المغلية بدوبك تغطي الرز كده وزيادة شوية صغيرة خالص.

- الخطوة 4 أول ما يبدأ يغلي هدئ النار على الأرز من 25-30 دقيقة هتاكلي ألذ أرز طعمه و ريحته تحفة.. 

سوتيه بالشمر

المقادير

 - كرفس

 - جزر

 - شمر

-  بقدونس

 - ثوم

خطوات التحضير

1- قطعي الخضار

2- سخني المقلاة على النار واضيفي إليها الخضروات المقطعة الثوم المفروم والشمر والبقدونس.

3- ثم، بمجرد ذبوبله، أخرجه من النار، وقدمه طازجًا إلى جانب الطبق الرئيسي

بالهنا والشفا 

اللهم صل وسلم وبارك على سيدنا محمد وعلى آله وصحبه أجمعين.

تعديل المقال