الدين عند الله الإسلام، مفتاح قبول الأعمال - تعلم دينك

الدجاج والتمثيل الغذائي

يحتوي الدجاج على السيلينيوم والمعادن الأساسية التي تُساهم في الأداء الأيضي فهو جيد للغدة الدرقية والتمثيل الغذائي، إضافةً إلى أنه يحتوي فيتامين ب6 الذي يُحافظ على الأوعية الدموية صحية ومستويات طاقة مرتفعة وعلى التمثيل الغذائي وحرق السعرات الحرارية مما سوف يساعدك في الحفاظ على وزن صحي.

ازيكم يابناويت عاملين ايه ياحلوين يارب تكونوا بخير ،طبعاً كلنا بنحب الفراخ بأي طريقة تتعمل بيها النهاردة هنعمل الفراخ المشوية بطريقة مختلفة  هتعجبكم إن شاء الله ،ممكن نأكلها مع الأرز الأبيض وسلطة خضراء وطحينة، يلا بينا نبدأ بسم الله .

مقادير الفراخ المشوية 

- دجاجة كاملة .

تتبيلة الفراخ المشوية:

- ملعقة صغيرة فلفل أسود.

- ملح.

- ملعقة صغيرة بابريكا.

- نصف ملعقة صغيرة كركم.

- ملعقة صغيرة جنزبيل.

- نصف ملعقة صغيرة قرفة.

- 3 حبات حبهان.

- 3 حبات ينسون نجمى.

- ملعقتين كبيرتين زبادى.

- 4 ملاعق كبيره زبده.

الخضار:

- بصل.

- ثوم.

- كرفس.

- بطاطس.

- جزر.

خطوات عمل الفراخ المشوية 

- الفرخة تكون نظيفة تماماً ومغسولة ، وبالطحينة وندلك بيها الفرخة من برا وجوا عشان نتخلص من ريحة زفارة.

- نغسل الطحينة كويس وننقع الفرخة في ماء وملح وفلفل أسود ونسيبها في الماء مدة كافية، ممكن من ساعتين لــ ليلة كاملة.

- لعمل تتبيلة الفراخ المشوية : في وعاء المطحنة، ضعي الفلفل الأسود الحب ، الملح ، البابريكا ، الكركم ، اليانسون النجمي ، الليمون المجفف ، القرفة ، الزنجبيل.

- نطحن المكونات جيداً وننخلها بمنخل صغير، وبعدين ناخد ملعقتين من البهارات المطحونة في طبق ونضيف عليهم ملاعق كبيرة من الزبدة ونقلبهم مع بعض كويس.

- باقي التوابل نضيف عليهم ملعقتين كبيرتين من الزبادي ونقلبهم كويس لحد ما يبقوا زي الكريمة.

- نجيب الفرخة ننشفها كويس من اى ماية ونفصل الجلد عن اللحمة بالملعقة.

- نتبل الفرخة من برا بتتبيلة الفراخ بالزبادي ومن جوا بين الجلد واللحمة وكمان جوا الفرخة نفسها بتتبيلة الفراخ بالزبدة غطي الفرخة بالكيس ودخليها التلاجة ليلة كاملة على الأقل.

شاهد الفيديو

- لتسوية الفراخ : في صينية الفرن نضع الخضار ( البصلة متقطعة والثوم والفلفل الأخضر و الكرفس والجزر والبطاطس) ونرش عليهم ملح وفلفل أسود وشوية زيت زيتون.

- حطي الفرخة على الخضار فوق الصينينة بعد ما تربطي رجليها عشان متفكش منك في السوا وغطيها بورق زبدة ونغطيها بالفويل كمان.

- في فرن حامي مسبقاً على درجة حرارة 220 ندخل الفراخ لمدة ساعة عشان الفرخة دى كبيرة وزنها أكثر من 3 كيلو.

- بعد الساعة افتحي على الفرخة وشيلى ورق الزبدة وادهني الفرخة بالشوربة الموجودة في الصينية واتركيها كمان نصف ساعة أو ساعة في الفرن بدون ما تغطيها.

- خرجي الفرخة من الفرن وصفيها من الشوربة وقدمي ألذ فراخ مشوية بالفرن ممكن تقدميها مع الأرز بالزبدة وصوص الجريفي وبالهنا والعافية.

 سلطة الطحينة

المكونات 

- كوب وربع من الطحينة.

- كوبان كبيران من الزبادي.

- ملعقة صغيرة من فصوص الثوم المهروس.

- نصف ملعقة صغيرة من مسحوق الشطة.

- نصف ملعقة صغيرة من الكمون المطحون.

- نصف ملعقة صغيرة من الفلفل الأسود.

- ملعقة صغيرة من الملح.

- كمية مناسبة من الماء الفاتر.

- فنجان صغير من الخل الأبيض.

- ملعقة كبيرة من عصير الليمون.

طريقة سلطة الطحينة

- أحضري وعاء متوسط الحجم وضعي فيه الطحينة والزبادي.

- اسكبي الماء بالتدريج مع التقليب المستمر، ثم  أضيفي الخل والثوم وعصير الليمون.

- استمري في التقليب مع إضافة الفلفل والملح والكمون والشطة.

بعد الحصول على قوام كريمي متجانس من الطحينة ضعيها في الثلاجة لمدة نصف ساعة قبل أن تقدم.

طريقة عمل سلطة الطحينة للمشويات

- هنا يمكنك وضع كوب من الطحينة وكوب إلا ربع من عصير الليمون وملعقتين كبيرتين من الماء في الخلاط الكهربائي.

- اضغطي على زر التشغيل لضرب المكونات مع بعضها جيداً، ثم أضيفي فص ثوم مفروم مع نصف ملعقة من الملح وقطرة من الخل.

- استمري في ضرب المكونات حتى تمتزج تماما ثم توضع في طبق التقديم إلى جانب المشويات من الكباب أو الفراخ المشوية أو الأسماك.

بالهنا والشفا

يارب تكون الوصفة عجبتكم جربوها مش هتندموا طعمها تحفة بجد ،أشوفكم بخير المرة الجاية إن شاء الله ،اللهم صل وسلم وبارك على سيدنا محمد وعلى آله وصحبه أجمعين.

تعديل المقال